Ditën e sotme, reperi i njohur Genc Prelvukaj feston 38-vjetorin e tij të lindjes dhe sigurisht s’mund të mungonte urimi i gjysmës së tij më të mirë, Eni Koçit.
Këngëtarja ka ndarë me ndjekësit në Instastory një foto të Gencit, ku i shpreh një urim plot dashuri.
“Jam e bekuar që të kam në jetën time. Gëzuar ditëlindjen dashuri! Qëndro i mrekullueshëm.”- janë fjalët e Enit për Gencin, bashkëngjitur me një zemër të kuqe.
Që prej bërjes zyrtare të lidhjes së tyre teksa u shfaqën si çift në një event publik, Eni dhe Genci janë parë gjithmonë në shoqërinë e njëri-tjetrit. Në shkurt të këtij viti ata bënë publike fejesën e tyre, e cila kishte ndodhur që në nëntor të vitit të kaluar. Në Plavë, Genci iu ul Enit në gjunjë duke i nxjerrë një unazë, gjë që e përloti këngëtaren teksa i tha “Po”.
