Prej disa muajsh po përflitet në media romanca e re e moderatores Arbana Osmani me regjisorin e emisionit “Dua të të bëj të lumtur”, Eduart Grishajn. Ata janë parë shpesh në shoqërinë e njëri-tjetrit dhe megjithëse asnjëri prej tyre nuk e ka pranuar lidhjen, fotot e kanë nxjerrë herë pas here zbuluar çiftin.
Mbrëmjen e kaluar, Arbana dhe Eduarti e kaluan në shtëpinë e moderatores duke ngrënë sushi, gjë të cilën na e treguan vetë në postimet e tyre në Instagram. Arbana kishte përgatitur sushi, të cilat i publikoi në Instastoryn e saj, ndërsa më pas Eduarti postoi një foto nga darka romantike me sushi, verë dhe qirinj.
“Sushit më të mira ndonjëherë.”- shkroi regjisori krahas fotos, shoqëruar me një zemër të kuqe.
Kujtojmë se në fillim të këtij viti, Arbana i dha fund martesës së saj 16-vjeçare me financierin Ardit Kero, me të cilin ka edhe një djalë të quajtur Jon.
