Prej ditësh po përflitet në media se Dua Lipa e ka marrë bekimin e familjes së të dashurit të ri, Anwar Hadid.
Motrat Bella dhe Gigi Hadid si dhe nëna Yolanda, e kanë mësuar tashmë romancën e Anwar me këngëtaren me origjinë shqiptare. Ato madje e ndjekin Dua Lipën në Instagram dhe duket se lidhja e tyre tashmë është bërë më familjare!
Po familja e Duas?
Epo babi Dukagjin, nëna Anesa dhe motra Rina, jo vetëm që nuk e ndjekin në Instagram Anwar-in por ruajnë ende kontaktet me ish-të dashurin e vajzës së tyre, Isaac Carew.
“Iconstyle.al” vuri re se ata e ndjekin ende shefin e kuzhinës në Instagram, me të cilin kanë pasur marrëdhënie mjaft të mira dhe madje e kanë ftuar edhe në vendlindjen e tyre në Kosovë.
Asnjëri nuk ka fshirë fotot e familjes me Isaac dhe duket se nuk do ta bëjnë!
Pas ndarjes, Isaac ishte i pari që fshiu Dua Lipën nga Instagrami, dhe këtë gjë e ka bërë edhe këngëtarja së fundi.
Dua Lipa tashmë ka bërë zyrtare lidhjen me modelin, dhe ka publikuar edhe një video me të në Instagram, përkundrejt të gjitha lajmeve që po thuhen për të!
Burimi: Iconstyle.al
