Pas largimit nga “Top Channel”, moderatorja e njohur Anjeza Maja nisi programin e saj më të ri “E zgjidha”, i cili transmetohet në televizionin e kryeministrit Edi Rama “ERTV”. Mirëpo, ky s’do të jetë projekti i saj i vetëm për këtë verë, pasi Anjezën do ta shohim sërish në moderimin e nje prej eventeve më të dashur për shqiptarët, Maratonën e Këngës Popullore.
Maratona është kthyer në një ndër eventet më të rëndësishme që mbledh shqiptarët nga çdo qytet prej jugut në veri, duke i shoqëruar me ritmet e muzikës popullore. Prej vitesh ky event është prezantuar nga Anjeza Maja, e cila do të na shoqërojë në çdo qytet edhe këtë vit.
Në profilin e saj në Instagam, Anjeza ka njoftuar nëpërmjet një fotoje se Maratona do të nisë këtë të shtunë.
“Bashkë prap tek “Maratona 2019”, nisim këtë të shtunë në Rtv Klan.”- shkruan moderatorja krahas fotos ku shfaqet në prapaskenat e eventit.
