Disa muaj më parë, u diskutua se Çiljeta Xhilaga dhe Alban Hoxha mund të ishin ndarë pas tri vitesh bashkë. Sipas mediave, shkak për këtë u bë videoja e portierit të Partizanit me një vajzë tjetër në një klub nate.
Në tetor të vitit të kaluar, Çiljeta i kishte fshirë nga Instagram-i fotot me Albanin.
Megjithatë, në fund të muajit qershor u publikuan foto të Çiljetës dhe Albanit duke kaluar kohë në shoqërinë e njëri- tjetrit, çka la të kuptohej se çifti ndahu- pajtohu i showbiz-it shqiptar janë kthyer prapë bashkë.
Sot, në një intervistë për emisionin “Mirage”, Çiljeta Xhilaga u dha fund aludimeve duke u përgjigjur për jetën e saj private:
“Ndihem e plotësuar, ndihem e lumtur. Për mua kjo është e rëndësishme.”
