Ditën e sotme Erion Veliaj fitoi për herë të dytë mandatin e kryetarit të bashkisë për kryeqytetin.
Në favor të tij votuan 152 230 persona duke i dhënë mundësinë që ai të drejtojë Bashkinë e Tiranës edhe për 4 vitet e tjera.
Pas shpalljes së rezultateve të votimeve Erioni i falenderoi të gjithë qytetarët që e mbështetën nëpërmjet një postimi në rrjetet sociale, ku iu tregoi se tani duhet të përveshë mëngët për të punuar më fort.
Pas kësaj fitoreje urimet kanë qenë të shumta dhe nuk mund të mungonte ai i bashkëshortes së tij, Ajola Xoxa.
Nëpërmjet një postimi në Instagram Ajola i shprehu publikisht dashurinë Erionit.
“E di se sa e çmon çdo votë, të çdo qytetari që me 30 qershor doli nga shtëpia dhe qetësisht shkoi të votojë për ty, në vlerësim të punës tënde këto 4 vite. E di fort mirë se këtë mbështetje të madhe të njerëzve ti e konsideron privilegj dhe se do të punosh me po aq përkushtim edhe 4 vitet që vijnë. Të dua edhe për këtë”, shkruan Ajola.
Ajola ka qenë gjithmonë mbështetja më e madhe e bashkëshortit të saj dhe në asnjë rast nuk ngurron të shprehë vlerësimet për të.
