Hueyda El Sayed është treguar mjaft e hapur sa për të treguar se ndarja nga partneri me të cilin ka një djalë, erdhi si pasojë e tradhtisë nga ana e tij. Po kaq e hapur po tregohet edhe për të rrëfyer lidhjen e saj të re me një burrë të quajtur Thierry, i cili para se të ishte partneri i Hueyda-s, ishte mik i saji prej 6 vitesh. 
Historinë e nisjes së marrëdhënies me të Hueyda e tregoi sot tek “Rudina”. Dhe është shumë romantike pasi siç tha, Thierry e kishte patur përzemër gjatë gjithë kohës por nuk kishte mundur t’i afrohej më tepër për shkak se ajo ishte në marrëdhënie me babain e djalit Gabriel. Ata ishin njohur pasi ai vizitonte ekspozitat e saj. Tamam si në filma!
“Para dy vitesh- kisha një vit që isha ndarë me babin e Gabrielit- i shkruaj Thierry-t dhe i them se po kërkoja punë. “Nëse do kesh kohë, të pimë një kafe bashkë.” E lëmë që të pimë një kafe bashkë, më pyeti çfarë kishte ndodhur, pse isha ndarë dhe i tregova gjërat më të këqija. Në fund, i thashë ‘ika, se kam lënë Gabrielin me dadon’, ndërsa ai më tha: ‘Kam 5 vjet që jam i dashuruar me ty’”
Sot ata kanë 1 vit e pak muaj bashkë dhe duket se gjërat po shkojnë në rrugën e mbarë. Hueyda zbuloi ndër të tjera se marrëdhënia e Thierry-t me djalin e saj Gabriel është shumë e mirë.
“Tani kemi një person që jeton me ne, një person që na mbron, na inkurajon dhe na do shumë. Gabrieli, pa i thënë unë, ka vendosur vetë ta thërrasë ‘babi'”
Hueyda u nda nga ish- partneri Michael Tamisier në 2017-ën, pasi ishte bërë tashmë mama e Gabrielit, sot 4 vjeç.
Më tej, ajo rrëfeu se shkak i ndarjes qe tradhtia. Ajo u shpreh në një intervistë për “Thumb” në mars të vitit të kaluar se bëhej fjalë për një lidhje paralele.
“E kisha dhe unë gjurmën e gishtit tek telefoni i tij që mund ta hapja si password dhe e pashë”
Lidhjen e re me Thierry-n e konfirmoi në janar të 2018-ës për revistën “Who”.
