Këto ditë, Rozana Radi e ka shndërruar Instagram-in e saj në një profil ku, përveç fotove, gjen edhe batuta humoristike, siç duket si një mënyrë për të mbajtur të angazhuar ndjekësit.
Megjithatë sot bashkëdrejtuesja e emisionit “Boom”, e shfrytëzoi komunikimin me ndjekësit e saj përmes stories në Instagram, për të shprehur hapur se nuk ndihet e lumtur.
Nisur nga një bisedë me gazetarin Ervin Kurti, Rozana Radi u ndje e frymëzuar për të treguar hapur revoltën që ka brenda vetes ndaj njerëzve që e rrethojnë.
“Më pyet Ervin Kurti: “A je e lumtur”? Jo Ervin, nuk jam e lumtur! Vështirë të jesh e lumtur këto kohë me këta njerëz.”
Kujtojmë se pak ditë më parë, Rozana Radi u vu në shenjestër të kritikave për shkak të një postimi ku bënte humor për një fqinje që sapo ishte ndarë nga i dashuri dhe dëgjonte muzikë të trishtë.
Një ndjekëse iu ankua se ishte zhgënjyer prej saj sepse e dinte më mendjehapur, ndërsa Rozana u detyrua t’i kthente përgjigje se ishte thjesht humor.
