Siç mund ta keni dëgjuar, Bradley Cooper dhe Irina Shayk përfunduan marrëdhënien e tyre 4-vjeçare përafërsisht dy javë më parë dhe, menjëherë, në të gjitha mediat u përfol se ai do të lidhej me bashkëpunëtoren e tij të hitit “Shallow”, Lady Gaga.
Ende nuk janë shumë të qarta se ku i patën fillesat këto thashetheme, por një burim i afërt me Lady Gaga-n i tha revistës “Us Weekly” se definitivisht kjo gjë nuk po ndodh.
Sipas këtij burimi këngëtarja Lady Gaga “u ndje keq” për thashethemet që kishin të bënin me të dhe Cooper, por që ideja se ajo mund të bashkohej me të nuk qëndronte aspak.
Ylli i filmit “A star is born” Lady Gaga ka shkaktuar probleme midis Bradley-t dhe Irina Shayk; këto janë fjalët që qarkullojnë dhe mbase këtu qëndron pikënisja e thashethemeve.
“Filmi kishte një ndikim të madh në marrëdhëniet e Bradley-t dhe Irina-s,”- tha burimi,”Edhe pse nuk kishte asgjë romantike mes Bradley dhe Gaga, zhurma ishte e vështirë për Irinën për t’u marrë me të.”
Fundjavën e kaluar Bradley dhe Irina u takuan në mënyrë mjaft miqësore, duke qenë se ata jane prindër të një vajze 4-vjeçare dhe po mundohen ta menaxhojnë ndarjen në mënyrën më të mirë.
