Jonida Maliqi spikati në Eurovision Song Contest për zërin, stilin, por edhe për vetëbesimin në skenë, duke rrëmbyer shpeshherë epitetin “diva”.
Vetëbesimi duhet të jetë siç thonë, i lindur, pasi këngëtarja shpërndau sot një video të rrallë të sajën duke kënduar kur ishte 11 vjeçe dhe të lë pa fjalë me sigurinë që përcjell në skenë.
Këtë e vë në dukje edhe faqja “Balkan Song Contest” që publikoi videon në Instagram. Në postimin e saj, ajo shkruan:
“Një interpretuese e mirë, e fuqishme, me një sjellje skenike fantastike që në moshën 11-vjeçare.”
Kënga titullohet “Dembele” dhe është kënduar nga Jonida Maliqi në Festivalin e Shkodrës në vitin 1994.
“Dembele” është kompozuar nga Adrian Hila dhe teksti është shkruar nga Klaudia Hila.
