Një 48-vjeçar është vënë në pranga pasi ndihmoi nga brenda grabitësit e miliona eurove më datë 9 prill në aeroportin e Rinasit.
Hasan Kanaçi kishte me vete një sasi të konsiderueshme eurosh, paund, dollarë dhe lekë, vlera e së cilave dyshohet se është një pjesë nga shuma e parave të grabitura në Rinas.
Policia sekuestroi 100 mijë euro, pjesa më e madhe e të cilave janë gjetur në banesën e Hasan Kanaçit, ndërsa një pjesë tjetër janë gjetur të fshehura në disa objekte të ndryshme.
Deri më tani policia ka vënë në pranga 6 persona të dyshuar si të përfshirë në grabitje, Ragip Hajdini, Elton Pikli, Alkond Bengasi, Renaldo Sulaj, Oltjan Veseli dhe Saimir Cela dhe janë shpallur në kërkim Klement dhe Eldi Çala.
/Report tv
