Një moment mes çiftit Meghan Markle- Princi Harry po bën xhiron nëpër media për shkak se duket se ka tension mes çiftit që sapo janë bërë prindër.
Dalja e parë publike e Meghan-it pas lindjes së Archie-t, ishte parada Trooping the Colour më 8 qershor, ku pasi përshendeti njerëzit nga karroca, Meghan doli në ballkon bashkë me pjesën tjetër të familjes mbretërore.
Një video e filmuar së largu, tregon një Meghan që teksa është duke i folur Harry-t, kthehet me vrik përballë njerëzve pasi ai i thotë diçka.
Tani, “Daily Mail” mori dikë që të deshifrojë çfarë ka thënë princi dhe eksperti i leximit të buzëve është thuajse i sigurt se Harry i thotë: “Kthehu dhe shiko andej”.
Meghan tenton të flasë me Harry-n dy herë:
Herën e parë, i thotë diçka dhe ai i jep një përgjigje të shkurtër që duket të jetë: “Po, ashtu”
Herën e dytë, kur ajo kthehet ai i thotë: “Kthehu dhe shiko andej”.
Momentin e vunë re fansat e familjes mbretërore, që e vunë në dukje përmes komenteve në rrjetet sociale.
