Jennifer Lopez thotë se ka gjetur të duhurin.
Në mars, këngëtarja mori një propozim super romantik martese nga ish- lojtari i futbollit amerikan Alex Rodriguez.
Ndërkaq, Jennifer Lopez po përgatitet të festojë ditëlindjen e 50 (50 vjeçe!) dhe vendosi të ndajë me fansat në Youtube një video nga prapaskenat e turit të saj.
Në videon e publikuar, ajo zbuloi edhe disa detaje për martesën me A. Rod, me të cilin lidh kurorë pas dy vitesh bashkë.
“Jo shumë shpejt, por vitin që vjen. Do jetë një dasmë e madhe. Këtë herë, dua të martohem në kishë. S’jam martuar kurrë në kishë”, shprehet J. Lo.
Lopez madje foli edhe për tre martesat e mëparshme: me Ojani Noa-n (1997- 1998)
me Cris Judd (2001- 2003)
dhe me Marc Anthony-n (2004-2014).
“Jam martuar tre herë. Një herë zgjati nëntë muaj dhe një herë tjetër 11 muaj. Kështu që këto s’i llogaris fare. Kam qenë e martuar me Marc-un për 10 vite, bëmë edhe fëmijë. Isha shumë e re dy herët e para kur u përpoqa të martohesha. Po them: “u përpoqa”.”, tha Jennifer duke qeshur.
Jennifer ka dy fëmijë me Marc Anthony-n, binjakët 11 vjeç Max dhe Emme.
Për dy martesat “që nuk quhen” ajo shpjegoi se po kërkonte dashuri edhe pse karriera nuk e linte të marrë frymë.
“Duket sikur në ketë jetë që bëj, je gjithë kohës me njerëz por në fakt, je shumë vetëm. Kështu, kërkon gjithë kohës të kesh dikë në krah. Kështu që mendova se po të martohesha do të kisha gjithmonë dikë pranë, por jeta nuk funksionon kështu. Kjo është një arsye shumë e keqe për t’u martuar.”
Dhe shtoi:
“Njeriu i duhur, është ai që të bën ty më të mirë.”
