Pas problemeve me drejtësinë dhe lajmit për ndarjen, Angela Martini ka publikuar foton e parë në Instagram.
Bukuroshja shqiptare shfaqet tepër në formë e veshur me një fustan rozë që shkëlqen, ndërsa thumbues e ka statusin e saj:
“Kur lulja çel, bleta vjen paftuar”.
Me siguri që Angela u referohet komenteve dhe lajmeve të fundit për bashkëshortin e saj Dragos.
Javën e kaluar, në një reagim ekskluziv për “Revistën Who”, bukuroshja shqiptare mohoi të jetë ndarë nga bashkëshorti ndërsa sqaroi edhe problemet e tij me drejtësinë në Rumani, ku është dënuar me 5 vjet e 6 muaj burg.
Ajo u shpreh se çështja gjyqësore ndaj Dragos u hap për arsye tërësisht politike, kur u prek një nga bizneset e tij 17 vjet më parë.
Sipas Angela-s, pala akuzuese pretendonte pa të drejtë se një grup prej 35 vetash (mes tyre dhe partneri i saj) kishte shkaktuar një dëm financiar prej 114 milionë eurosh ndaj bashkisë së Konstantës, një prej qyteteve më të mëdha në Rumani.
Ajo shprehej se jo vetëm që nuk është në proces divorci me të, por e do më shumë se kurrë! Ai gëzon të gjithë mbështetjen e saj, sepse, përveç dashurisë së madhe që ka për të, Angela shprehej se ka dashuri edhe për të luftuar për të vërtetën dhe padrejtësitë!
