Biznesmeni Imer Shahini, djali i xhaxhait i ministres së Arsimit, Besa Shahini, është arrestuar dje në Kosovë pasi ishte në kërkim ndërkombëtar.
Shahini, i cili është në kërkim nga Shtetet e Bashkuara të Amerikës, është arrestuar të martën në Fushë-Kosovë i akuzuar se ka kryer mashtrime milionëshe.
“Insajder” shkruan se Imer Shahini, është vëllai i Remzie Shahini-Hoxhës, bashkëshortes së zv/kryeministrit Hoxhaj.
Së bashku me 6 persona të tjerë Shahini akuzohet nga FBI-ja se kanë përfituar 20 milionë dollarë përmes mashtrimeve.
Shahini ishte kthyer prej vitesh dhe jetonte në Prishtinë, ku merrej edhe me një biznes të tijin. Ai ishte bashkëpronar i kompanisë “Dorian & Pan Illyrian Partnership”.
