Miley Cyrus u zgjodh nga autori Charlie Brooker për t’u bërë pjesë e një prej serive të “Black Mirror”, një antologji për mënyrën si ndikon teknologjia në jetët tona.
Në serinë e saj, Miley ishte sigurisht, një yll pop-i super e famshme, kujtesa e së cilës iu kalua një kukulle me emrin e vet: Ashley, si një mënyrë që fansat të ndjenin se e kishin afër.
Për t’i bërë ngjarjet të duken më reale, një film për një pop star duhet të ketë edhe këngë dhe Miley e regjistroi një prej tyre.
“On a Roll”, nga Ashley O- personazhi i saj- u kthye menjëherë në një hit duke bërë që shumë njerëz ta shkëpusnin pjesën e videoklipit nga filmi për ta publikuar në Youtube.
Aq virale u bë kënga, saqë sot Netflix- producent i “Black Mirror”, e publikoi më në fund versionin e gjatë dhe zyrtar të videoklipit ku Miley shfaqet në petkun e Ashley O.
Brenda vetëm 2 orëve, “On a roll” tejkaloi 250 mijë klikime, duke patur kështu rritje më të shpejtë në klikime sesa albumi i vetë Miley-t i publikuar dy javë më parë, “She is coming”.
Përveç videos, Netflix publikoi për fansat edhe reklamën e kukullës Ashley, që është në fakt një personazh kyç në serial.
Duket se fansat janë vërtet shumë nostalgjikë për Miley-n pop star me paruke tek Hannah Montana, nga e cila u frymëzua në fakt Charlie Brooker kur shkruajti këtë episod të “Black Mirror”.
