A mund ta dimë dhe ne sekretin e Ledina Çelos për të mbetur po kaq në formë sa 25 vite më parë?
Këngëtarja është konsideruar si një nga femrat më të bukura shqiptare që në vitet ’90.
Sot jemi në vitin 2019 dhe Ledina e cila është 42 vjeçe, duket se nuk i njeh vitet aspak.
Për të na i dëshmuar këtë, Ledina është rikthyer në kohë përmes një postimi në rrjete sociale ku ka ndarë një fotografi të përbashkët me shoqet e saj.
E veshur me xhinse me bel të lartë dhe një bluzë të tejdukshme, Ledina na tregon se gocat e Tironës e ndiqnin modën dhe ishin fashionista edhe në vitin 1994.
Në një tjetër foto ajo ka pozuar përkrah vëllait në Paris, dhe duket mahnitëse! E veshur me xhinse nga koka te këmbët, këngëtarja spikat për elegancën e saj, që e ruan edhe sot e kësaj dite.
