Look-u i Luana Vjollcës tek videoja e saj më e re, “Moj bjondinë me sytë e zi” ku u ftua nga grupi TNT, nxiti shumë krahasime me Borëbardhën, Hirushen apo të tjera personazhe përrallash.
Me fustanin e bardhë, buzët e kuqe, Luana endet mes pemëve tamam si në rrëfenja.
Por, ndryshe nga përralla ku Hirushes i rrëshket këpuca nga këmba, Luana mezi e hoqi.
Moderatorja publikoi sot në Instagram një video nga prapaskenat e xhirimeve ku, me ndihmën e dizajnueses Blerina Kllokoqi Rugova, bën luftë për ta hequr nga këmba këpucën plastike të tejdukshme.
Problemi me takat në mal, duket se nuk u parashikua nga Luana.
“Kur kupton se duhet të heqësh takat se xhirimi ishte në mal.”, shkruan Luana duke bërë ironi me veten.
Ja dhe Hirushja ? #Backstage #MojBjondineMeSyteEZi
18.2k Likes, 307 Comments – LUANA (@luanavjollca) on Instagram: “Ja dhe Hirushja ? #Backstage #MojBjondineMeSyteEZi”
Në video, ajo shkrihet së qeshuri kur kupton se këpuca s’ka ndërmend të dalë.
Me ose pa këpucë, mund të themi se ky look është një ndër ata që më shumë i përshtaten bjondinës me sytë e zinj.
