Burgosja e Stresit e bëri Kejsin më të përkushtuar se kurrë ndaj reperit dhe familjes së tij.
Disa javë më parë, bashkëshortja e Stresit fluturoi nga Kanadaja për ta takuar, edhe pse ai kishte refuzuar që ajo ta shikonte në qelinë e burgut në Fushë Krujë, ku ndodhet prej tetë muajsh.
Gjatë gjithë kësaj kohe, Kejsi ka ruajtur komunikimin me vjehrrin dhe vjehrrën, zotin Sali dhe zonjën Shpresa.
Kejsi publikoi një dedikim për babain e Stresit, i cili sipas saj po tregohet shumë i fortë, duke u bërë mbështetje për të gjithë familjen.
“Sali Lushaj, je i pazëvendësueshëm dhe shkëmbi i familjes sonë! Të admiroj për çdo gjë që bën! Je prind i përkryer, bashkëshort i shkëlqyer, por zbulimin më të madh e kam bërë unë, që je edhe një vjehërr i mrekullueshëm!
Nuk ka asgjë më të shenjtë se familja dhe unë ndihem me fat që jam pjesë e familjes tënde!”
Kejsi dhe Stresi janë tashmë bashkë prej më shumë se dy vitesh. Ata janë martuar me celebrim, megjithatë nuk mundën të organizonin edhe dasmën e madhe që kishin në plan, për shkak se në tetor reperi u la në burg nën akuza për armëmbajtje pa leje.
