Kohët e fundit këngëtarja e dashur shqiptare Anxhela Peristeri është shfaqur në formë të përkryer fizike, e kjo ashtu si dhe u shpreh, falë një diete të rreptë ushqimore pa brumra dhe pa ëmbëlsira.
Ajo pohoi se ka humbur 16 kilogramë, edhe me ndihmën e aktivitetit fizik.
Në një foto të publikuar në Instagram pak ditë më parë, Anxhela u akuzua nga ndjekësit se kishte përdorur photoshop.
Mesa duket kjo e ka mërzitur Anxhelën, e cila pasditen e sotme ka publikuar edhe një video me rroba banje, me mbishkrimin: “Për të gjithë admiruesit e photoshop-it”, duke u shfaqur sërisht në formë të shkëlqyer fizikie dhe duke folur edhe njëherë se të gjitha aludimet janë të pavërteta.
Kujtojmë se këngëtarja jo vetëm që i është dedikuar linjave por edhe karrierës, duke publikuar së fundmi këngën “Maraz”, e cila pritet të kthehet në një prej hiteve të verës.
