Mungesa e bashkëshortit Dragos Savalescu në postimet e Angela Martinit gjatë muajve të fundit, nxori në shesh arrestimin e tij nga policia rumune.
Sot, modelja theu heshtjen duke u shprehur se jo vetëm nuk janë ndarë, por ajo ka vendosur t’i qëndrojë pranë bashkëshortit mbi të gjitha në ditë të këqija (lexoje të plotë këtu)
Por, Angela Martini nuk është e vetmja që ka shprehur mbështetjen dhe besimin e plotë tek partneri edhe kur e gjithë bota i është vënë kundër.
Rezarta Shkurta e ktheu arrestimin e bashkëshortit, Ermal Hoxha, në një dramë dashurie përtej kangjellave.
Në 2015-ën, Hoxha u ndalua nga policia për përfshirje në një rrjet trafikimi të kokainësr. Gjithashtu, u deklarua se në makinën e tij gjendeshin 300 mijë euro.
Një vit më vonë në një intervistë tek “Xing me Ermalin”, Rezarta Shkurta theu heshtjen duke u shprehur se të gjitha këto ishin shpifje dhe jo vetëm ato nuk i posedonin 300 mijë euro, por në atë kohë ata ndodheshin bashkë në Durrës.
“Ermali u penalizua se ishte nipi i Enver Hoxhës”, u shpreh Rezarta.
Më tej, ajo i kushtoi dedikime të panumërta në Instagram bashkëshortit, ku tregonte sa shumë e kishte marrë malli për të atë vetë dhe vajzën e tyre Herën.
View this post on Instagram
Sot kur vogelushja ime @herahoxha.al sheh kete video, thote: Puçeeet mama me babin❤️
Ermal Hoxha u lirua në shtator të vitit të kaluar, pas tre vitesh në qeli.
“Unë thashë “po”, për të dytën herë dhe pas 15 vitesh bashkë. Në të mirë e në të keqe, gjithmonë pranë teje. Të dua”, shkruajti Rezarta në një postim në janar, ku shfaqet duke kapur duart me bashkëshortin në një restorant në Dubai.
Mozzik po i qëndron më pranë se kurrë Loredanës, edhe pse muajin e kaluar akuzat ndaj saj peshuan edhe mbi të vëllanë e Mozzik-ut, Getinjon.
Pak ditë pasi shpërtheu skandali i zhvatjes së 900 mijë frangave me kërcënim nga Loredana dhe vëllai i saj Berati, ndaj një çifti zviceran, Mozzik u pa pranë saj në konferencën për shtyp në Prishtinë, në të cilën Loredana deklaroi se paratë u dhanë me dëshirë.
Përveç kësaj, Loredana u shfaq pranë Mozzik-ut edhe në klipin e tij të ri me Dardan-in.
Leonard Bombaj u vu në qendër të vëmendjes në 2010-ën pasi nxënësja e shkollës së tij të aktorëve e akuzoi se kishte abuzuar me të. Bombaj u shpall i pafajshëm për mungesë provash.
Çështja u rikthye në vëmendjen e publikut në 2017-ën, pasi Ajsi Xhaxhaj ripohoi se ka qenë e përdhunuar nga regjisori në emisionin “Pasdite në Top Channel”.
Bëhet fjalë për moshën nga 10 deri në 15 vjeçe”, u shpreh Ajsi, “Thanë që e bëra për famë, por përse duhet ta bëja për famë, kur unë isha idhull i bashkëmoshatarëve të mi? U tha që e bëri për lek. Teorikisht, unë duhet të kisha shumë para. Mua më vinte një fletë çdo muaj se sa para më hidheshin në llogari, por unë s’i pashë kurrë.”
Duket se gjatë gjithë kësaj kohe, Bombaj ka patur mbështetje dhe besim të pakushtëzuar nga ana e bashkëshortes, Esmeralda, e cila në dhjetor të 2017-ës doli bashkë me të në intervistë dhe ia la fajin Ajsit.
“Nuk kam folur asnjëherë më parë për këtë, sepse ka qenë shumë private dhe i fortë përjetimi. Sot them se në sjelljen me personin, unë nuk do kisha ndryshuar asgjë. Unë kam qenë shumë e përfshirë në histori, madje më shumë se ç’është folur. Ne thjeshtë kemi gabuar person dhe nuk e kemi vlerësuar mirësinë dhe dashamirësinë tonë, por nuk do kisha ndryshuar asgjë, thjesht vetëm personin. I gjithë përkushtimi i duhej dhënë një personi tjetër”,
Anita Haradinaj i ka qëndruar pranë Ramush Haradinajt që nga fillimi i sagës në Gjykatën e Hagës e deri tani, që ai është përsëri kryeministër.
Në 2005-ën, pas vetëm 100 ditëve si kryeministër, ai u akuzua dhe u arrestua për krime lufte bashkë me disa drejtues të tjerë të ushtrisë së Kosovës.
Pas një maratone gjyqesh, në 2008-ën Haradinaj u shpall i pafajshëm nga Gjykata e Hagës.
Pala akuzuese serbe e çoi çështjen në apel dhe u vendos që çështja të kishte një rigjykim të pjesshëm në 2008-ën. Në 2012-ën, Haradinaj u shpall i pafajshëm për herë të dytë.
Gjatë gjithë këtyre viteve, jo vetëm bashkëshortja e tij Anita ruante marrëdhënien e fortë me të, por u bënë edhe prindër të tre fëmijëve.
5 vite pas lirimit përfundimtar, në zgjedhjet e qershorit 2017, ai u zgjodh Kryeministër i Kosovës.
Me të marrë emërtimin e ri, bashkëshortja Anita Haradinaj foli në “Top Show” për peshën aspak të lehtë që iu desh të mbante gjatë kohës kur bashkëshorti gjykohej për krime të rënda.
“Ka qenë një periudhë e vështirë për të dy ne”, u shpreh zonja Haradinaj.
