Ikonë mode është shumë pak për Rihanna-n, e cila imazhin e vajzës plot stil e shndërroi këtë vit në biznes qindra milionë dollarësh.
31-vjeçarja është zyrtarisht këngëtarja më e pasur grua sipas listës më të fundit të më të pasurve të Amerikës, publikuar nga revista “Forbes”.
Ajo qëndron në krye të listës, me një vlerë prej: 600 milion dollarësh! Sipas “Forbes”, një pjesë e madhe e pasurisë së Rihanna-s u grumbullua përmes partneritetit të saj me kompaninë e të mirave të luksit, LVMH, me të cilën në 2017-ën hodhi në treg linjën e saj të produkteve kozmetike, Fenty Beauty. Sipas revistës, nga shitjet e produkteve të bukurisë Rihanna ka përfituar 570 milion dollarë në vetëm 15 muaj biznes!
Dhe Rihanna nuk ndalet me kaq.
E zgjeroi brand-in e saj edhe me veshje, duke krijuar një markë të brendshmesh, Savage X Fenty, dhe një markë veshjesh luksi Fenty, e cila u inaugurua këtë muaj me koleksionin e parë fare.
