Agnesa Vuthaj mund të mos ketë akoma familjen e saj, por e mbesa është një pasardhëse e denjë e bukurisë së një prej miss-eve historike shqiptare.
Në ditën botërore të fëmijëve, 33-vjeçarja postoi në Instagram disa foto me mbesën e saj, Tuana Vuthaj.
Të veshura të dyja me fustane të zinj, me flokët e lëshuar gështenjë, sytë e mëdhenj kaf dhe buzët e plota, Tuana duket si të jetë vajza e Agnesës.
Ngjashmërinë ia vunë në dukje edhe ndjekësit.
Nuk është hera e parë që Agnesa pozon me Tuanën.
Në janar, ajo shprehu krenarinë për mbesën e saj bukuroshe përmes një shërbimi fotografik ku gjithashtu ishin veshur ngjashëm, me ngjyra të lehta duke krijuar idenë e aurës së një ëngjëlli.
“Ajo është si një ëngjëll”, shkruajti Agnesa.
