Dalja e tyre e parë publike si një çift ishte në eventin e “Golden Globe Awards” në janar, kur ata ecën në tapetin e kuq dorë për dore.
Dhe të shtunën i dashuruari Mel Gibson, 60 vjeç dhe e dashura e tij Rosalind Ross, 25 vjeçe, dukeshin më të lirshëm me njëri-tjetrin dhe tërhoqën vëmendjen, ndërsa morën pjesë në premierën e filmit të fundit të Mel, “Blood Father” në Festivalin e Filmit të Kanës.
Aktori, i cili ka tetë fëmijë nga dy marrëdhëniet e tij, nuk mund t’i mbante duart larg nga Rosalind, e cila mbante veshur një fustan blu i gjithi me gurë, i cili tregonte linjat e saj.
Rosalind, një kampione e sportit me kuajt, u fotografua e vetëpërmbajtur dhe e qetë, ndërsa partneri e udhëhiqte në tapetin e kuq duke i mbajtur dorën.
Ndërsa aktori kishte veshur një kostum blu të kombinuar me të dashurën e tij dhe kishte rritur mjekrën për t’iu përshtatur filmit.
25-vjeçarja është gjykuar që në fillim për lidhjen e saj nga mediat, të cilat shkruanin se nuk ishte kjo gjëja që ajo donte.
Burimi: Daily Mail
