Një frikë e madhe ka pushtuar dje familjen e Andrea Pirlo-s.
Vajza 13-vjeçare e ish-futbollistit të Milanit dhe Juventusit, është goditur nga një makinë të martën pasdite në qendër të qytetit të Torino-s.
Incidenti u shënua në rrugën mes Bonafus dhe Maria Vittoria, shumë pranë sheshit Vittorio.
Vajza u transportua menjëherë në spitalin Regina Margherita, ku ndodhet jashtë rrezikut për jetën.
Ajo ka pësuar vetëm disa gërvishtje dhe një tronditje të lehtë.
Megjithatë mjekët vendosën që ta mbanin edhe disa ditë nën kontrollin e tyre në spital.
Ndërkohë policia bashkiake ka nisur hetimet në lidhje me aksidentin.
