Kate Middleton është parë shumë pak herë me një kurorë.
Më 3 qershor, ajo do të vendosë përsëri një të tillë për një banket në Pallatin e Buckingham-it, me rastin e vizitës zyrtare të Donald Trump-it në Britaninë e Madhe.
Mbretëresha do të organizojë një drekë private për Presidentin e Shteteve të Bashkuara të Amerikës dhe zonjën e parë, Melania Trump.
Pas kësaj, atyre do t’u bashkohen për një çaj edhe princi Charles dhe bashkëshortja Camilla.
Ajo që bie në sy është se princi Harry do të jetë në drekën zyrtare, por pa Meghan Markle.
Ajo ndodhet momentalisht në leje lindjeje, pasi solli në jetë djalin Archie më 6 maj. Më pas në mbrëmje, as Harry nuk do t’i bashkohet banketit.
Këtu, Kate Middleton do të jetë e pranishme dhe pritet që të vendosë kurorën.
Herën e fundit që e vendosi, ishte kurora e preferuar e Lady Dajanës, që në familjen mbretërore njihet si kurora “Lover’s Knot”.
Meghan nuk është parë ende me një kurorë.
