Dje Rike Roçi u shfaq në Instagram duke kënduar këngën “Zemër” të Dhurata Dorës dhe Soolking, teksa këndonte refrenin:
“Ti je fajtor që zemrën ma ke thy”.
Nga kjo, shumë njerëz menduan se bukuroshja me sytë e gjelbër kishte patur ndonjë zënkë me të dashurin, dhe ajo vetë publikoi disa mesazhe ku dikush i çonte zemra dhe Rike më pas i shkruante: “My boy” (djali im), kurse tjetri: “My Baby” (zemra ime).
“Vetëm pak, se bëmë prapë paqe”, tha Rike për punën e asaj se kush ia kishte thyer zemrën.
Mirëpo, mediat publikuan disa lajme ku shkruanin se Rike Roçi ishte zënë me të dashurin dhe ishin pajtuar prapë.
Për këtë, Rike Roçi reagoi sot duke shkruajtur se ishte e gjitha një shaka.
“Nuk bën dot robi një shaka, se merret direkt seriozisht”.
Sipas aludimeve, ajo ka qenë e lidhur me një muzikant, por më pas publikoi foton e një politikani italian dhe u ngjallën dyshime për një lidhje të re.
Por vetë Rike, reagoi në prill duke mohuar gjithçka është aluduar për lidhjet e saj romantike, përmes një postimi në Instastory.
“Tani unë vetë dua të di kush është muzikanti dhe kush është politikani? Gjëra që as nuk i di për veten. Boll, çdo javë lexoj për veten diçka jo reale. Më lini rehat. U lodha duke lexuar shpifje për veten, të paktën shkruani diçka të vërtetë.”
