Këngëtarja me origjinë shqiptare që emigroi nga Fieri drejt Greqisë në moshë të vogël, Eleni Foureira, ka pranuar publikisht origjinën shqiptare
Por gjatë qëndrimit në Izrael, ku ishte e ftuara speciale e Eurosong 2019, ajo bëri testin e “My Heritage”, për të mësuar detajet e origjinës etnike dhe racore.
Rezultatet ishin shokuese edhe për vetë këngëtaren. Menaxheri i kompanisë që është sponsor i Eurovision-it, tha se Eleni Foureira ka 68.9% origjinë greke. Ndërsa një pjesë tjetër e ka nga jugu i Italisë.
“Italiane? Nuk e kisha idenë! Jam pothuajse 70% greke? Unë nuk jam greke, unë jam rritur në Greqi, por ndihem greke. Nga Italia Jugore? Nuk di çfarë të them…”, ka thënë këngëtarja Foureira pasi mësoi rezultatet e testit.
Ky rezultat i befasoi të gjithë shqiptarët, mes të cilëve edhe moderatoren Eva Murati, e cila nuk ka duruar pa i lënë një koment Eleni-t.
“Performancë e shkëlqyer, por greke dhe italiane? A s’je shqiptare?”, e pyet Eva ndërkohë që Eleni ia kthen:
“Sigurisht që jam, por ishte testi ADN-së. Trashëgimia ime”.
Sa për informacion, për të mos pasur të tjera keqkuptime, testi i ADN-së nga “My Heritage”, nuk e ka etninë shqiptare në rezultatet e tij. Shqiptarët ndahen mes ballkanasve dhe grekëve, kështu që shqiptarët nga veriu ndajnë ADN-në me popullin e Ballkanit dhe shqiptarët nga jugu me italianët e jugut dhe grekët.
Eleni priste që rreth 50% e origjinës të ishte nga Ballkani, por kjo shifër ishte vetëm 29.8%.
