Pedagogia e njohur e Arteve, Riselda Sejdija ishte e ftuara speciale e Rudina Magjistarit, për të folur për librin më të fundit që ka publikuar mbi praktikën e Yoga-s.
Gjatë bisedës, Sejdia tha se për fotot e librit kishte zgjedhur një vend të mahnitshëm që ndodhet në qytetin e saj, Vlorë.
Por gjatë realizimit të photoshooting, një aksident i frikshëm ndodhi me masivin ranor që u shkëput dhe për pak desh e zuri poshtë Riseldën.
“Ishim duke bërë photoshooting dhe u afrova më afër dhe në atë moment rrëshkiti një pjesë e madhe. Instikti i njeriut, ishte e shkruar të më shpëtonte Zoti”, u shpreh Riselda.
Megjithatë ajo pranoi me shaka se videoja doli bukur nga ana artistike, madje më bukur seç mund ta planifikonte:
“Doli bukur nga ana artistike. E ta kisha bërë me porosi nuk do të dilte kështu”, u shpreh Riselda duke qeshur.
Videon e ka publikuar në Instagram, dhe shumë prej fansave e pyesnin nëse e kishte bërë enkas apo ishte aksident!
Epo tashmë e mësuam të vërtetën.
