Armina Mevlani ishte një tjetër bukuroshe shqiptare që parakaloi në tapetin e kuq të Festivalit të Filmit në Kanë, pas Elvana Gjatës, Rita Orës dhe Heidi Lushtakut.
Blogerja e njohur ndau me ndjekësit në Instagram, përgatitjet për ditët e qëndrimit në Kanë, dhe na duhet të themi se veshjet e saj ishin fantastike.
Në ditën e saj të parë në Kanë, Armina kishte një look klasik. Fustani i bardhë nga “Roland Mouret” dhe flokët e kthyer pas e bënin bukuroshen shqiptare të dukej shumë classy.
Armina ishte e ftuar në premierën e filmit “A hidden life”, një dramë historike e shkruar dhe drejtuar nga Terrence Malick.
Ndërsa sot, në ditën e dytë të qëndrimit në Kanë, Armina kishte zgjedhur një look më casual. Një kostum në ngjyrë të kaltër, me fund të shkurtër që i ekspozonte këmbët elegante.
Në këtë eksperiencë të këndshme Armina ka fotografuar dhe takuar edhe aktorët e preferuar, yje të Hollivudit, si Liev Schrieber apo Quentin Tarantino.
