Pas suksesit të bashkëpunimit me Pirro Çakon për duetin “Sekreti im”, Xhensila Myrtezaj ka të tjera surpriza.
“Prive” bën të ditur se këngëtarja është duke punuar me një këngë me ritme verore dhe temë dashurie.
Kënga është punuar tashmë, ndërsa së shpejti pritet të nisin xhirimet për klipin, të cilat do të kryhen jashtë Shqipërisë.
Portali i Kosovës shton se kënga do të publikohet para stinës së verës kështu që bëhuni gati këto ditë.
“Sekreti im” pati shumë sukses në tregun muzikor dhe risolli fuqishëm kantautorin Pirro Çako pas 7 vjetësh mungesë.
Nuk e dimë nëse Xhensila do të vijë vetë në këtë projekt të ri, por ajo që dihet është se kënga do të kthehet në hitin e verës 2019.
