Fero sapo tha se është gati të bëhet baba, vetëm se e pengon një gjë e vogël
Para pak ditësh, Arbenita dhe Fero publikuan ca postime në Instagram përmes të cilave ngjallën dyshime se ishin ndarë.
Mirëpo, kjo ishte një shaka e të dyve, që dashje apo pa dashje, tërhoqi vëmendjen e gjithë mediave rozë.
S’ishte hera e parë që çifti Feronita bënin shaka të tilla pasi në shkurt, Arbenita postoi një video ku na bëri të besojmë se ishte shtatzënë.
Diçka të cilën Fero e mohoi prerë muajin e kaluar, duke u shprehur se jo që nuk është, por as që i shkon në mendje sepse janë të dy shumë të rinj: 21 vjeç (lexo këtu)
Sot, i ftuar tek “E Diell”, Fero foli sërish, por këtë herë me nota më pozitive për një shtatzëni të Arbenitës në të ardhmen. I pyetur nëse u vu në siklet kur pa lajmet, ai u shpreh:
“Nuk më zuri frika sepse është shumë normale që kjo të ndodhë për të gjitha çiftet e showbizit. Edhe pse jam i ri, sërish jam i përgjegjshëm”.
E megjithatë, të bëhet prind nuk është në planet e afërta të tij: për momentin, nuk mund të heqë dorë nga karriera.
“Nuk është koha ime tani që të bëhem prind, kam nevojë të fokusohem në karrierë, tek fansat e mi, tek njerëzit që duan ta dëgjojnë muzikën time. Unë nëse vendos të bëhem baba, nuk do kem mundësi të merrem me të gjitha këto, ndaj tani për tani jam i fokusuar vetëm në karrierë”.
Mund të themi pa frikë se Arbenita dhe Fero janë çifti më i përfolur i momentit në showbiz-in shqiptar. Gjithë këtë vëmendje, nuk po e lënë t’u shkojë dëm pasi Fero ka paralajmëruar një këngë të re e cila do t’i dedikohet Arbenitës.
