Dje, “IconStyle” takoi Kidën në prapaskenat e Colour Day Festival në Tiranë. Këngëtarja na zbuloi se bashkëpunimi i paralajmëruar me Lyrical Son do të publikohej sot dhe ja ku është më në fund.
Është e para këngë e Kidës si artiste e pavarur dhe duhet thënë se jo vetëm nuk ka asgjë mangët nga projektet e saj të mëparshme, por i ka të gjitha gjasat të jetë një hit i kësaj vere.
Me një motiv që të mbetet në mendje, Kida dhe Lyrical Son kërcejnë bashkë në një sfond lulesh të kuqe ku duket edhe një makinë vintage.
Videoja është realizuar nga Alban Selimaj.
Sikurse na zbuloi Kida dje, kënga është realizuar me ndihmën e ekipit PINT, pjesë e të cilit është Lyrical Son dhe MC Kresha.
5 vite më parë, ishte bashkëpunimi me MC Kreshën “Rikthejm Na”, që e ndihmoi Kidën të spikaste si një këngëtare e talentuar e muzikës pop.
Në janar, Kida u largua nga kompania “ON Records” që e menaxhonte dhe ky është projekti i saj i parë më vete, ndërsa dje zbuloi për “IconStyle” se të tjera projekte do të publikohen shpejt.
