Po shqetëson familjarët e saj prej kohësh e megjithatë, lidhja e aktores së njohur Hayden Panettiere me aktorin aspirues Brian Hickerson, vijon në hapa të sigurt.
Në nëntor të vitit të kaluar, ata u përfshinë në një sherr me babain e Hickerson. Në fillim të majit, u konfirmua se ai ishte arrestuar nën akuza për dhunë brenda në shtëpi.
Sipas burimeve të “TMZ”, ai sulmoi Hayden Panettiere gjatë një zënke. Pas kësaj, ai u lëshua me pagesën e një garancie prej 50 mijë dollarësh.
E megjithatë, burime për “People” kanë thënë se Hayden dhe Brian janë akoma bashkë dhe nuk duket se do të ndahen tani shpejt.
Ata u fotografuan të kapur dorë për dore, dy ditë më parë.
Aktorja 29-vjeçare u pa fillimisht me Hickerson në gusht të vitit të kaluar, pak kohë pas ndarjes nga ish- i fejuari Wladimit Klitschko, i cili është edhe babai i vajzës 4 vjeçe Kaya.
