Në krye të herës, Enca vendosi ta linte surprizë këngëtarin me të cilin ka bashkëpunuar për këngën e saj të re.
Fillimisht, u mendua se mund të ishte reperi MC Kresha.
Më pas, pati fjalë se do të ishte një bashkëpunim me Butrint Imerin.
Dy ditë më parë, “IconStyle” publikoi lajmin se Enca nuk do të bashkëpunonte me asnjërin prej artistëve të muzikës komerciale të momentit, por me këngëtarin e njohur të muzikës tallava, Muharrem Ahmeti.
Sot, Enca e konfirmoi se bëhet fjalë pikërisht për të.
Kënga titullohet “Hajde” dhe do të publikohet nesër.
Këngëtarja ka publikuar edhe një pjesëz nga kënga e saj më e re, që është ritmike siç e paralajmëroi.
Publikimi i fundit nga Enca ishte një baladë, e titulluar pikërisht kështu: “Baladë”.
Muajin e kaluar, këngëtarja paralajmëroi projekte të reja të cilat zbuloi se nuk do të kenë asgjë për të qarë, vetëm për të kërcyer.
