Ai sapo është ndarë nga një lidhje e bujshme me modelen më të njohur Naomi Campbell, dhe ajo i dha fund lidhjes me aktorin Andrew Garfield, pasi ky i fundit kërkonte privatësi.
Dhe tani Rita Ora dhe Liam Payne duken si çifti më i ri perfekt pasi u panë duke darkuar privatisht në një restorant në Londër.
Me fustanin e saj elegant që i ekspozonte këmbët dhe shpinën, Rita Ora 28 vjeçe, dukej tejet në formë mbrëmjen e djeshme.
25-vjeçari nuk mbetej pas me këmishën e tij me lule dhe një look mjaft casual.
Rita dhe Liam kanë kohë që njihen bashkë që kur sollën hitin e filmit “50 Shades of Grey”, “For You”, që ngjalli shumë thashetheme se mund të kishte një lidhje romantike mes tyre.
Në atë kohë madje thuhej se partnerja e Liam, Cheryl Cole ishte xheloze për Ritën, veçanërisht pas një performance ku dyshja u puth në skenë.
Nuk e dimë se çfarë po ndodh tani mes tyre, por me siguri që mbrëmë janë kënaqur në shoqërinë e njëri-tjetrit.
