Eni Çobani ngriti zërin sot në programin “Shihemi në gjyq” dhe u zotua të mbrojë çdo grua që abuzohet.
Juristja po trajtonte rastin e vështirë të një gruaje, bashkëshorti i së cilës, u vra në vitin 2012 në një krim pasioni.
Ai kishte lidhje martesore me një grua tjetër të martuar, e cila para tij ka pasur një tjetër të dashur jashtë martese. I dashuri i parë, për shkak të xhelozisë, vrau brenda makinës ish-të dashurën e tij dhe të dashurin e saj të ri, që ishte Feridon Bollguri. Më pas vrau edhe veten.
Sikur të mos mjaftonin gjithë këto fatkeqësi për zonjën në fjalë, sot ajo jeton një dhomë të rrënuar në fshatin Podgorie të Korçës. Familjarët e ish-bashkëshortit, ja kanë marrë banesën dhe dy nga tre vajzat, dhe nuk e lejojnë që të takojë fëmijët. Motra e saj, e cila kishte ardhur në studio, refuzoi që ta ndihmonte.
Eni Çobani u zotua se do ta ndihmojë që të rifitojë trashëgiminë që i takon nga bashkëshorti dhe të vendosë dinjitetin në vend.
“Alketa bashkë do vemi në Korçë, do ta vazhdojmë. Nuk do të lë asnjë grua shqiptare që burrat shqiptarë të abuzojnë më me gra si ju të cilat nuk arrini dot as të thoni emrin tuaj, jo të hidhni firma. Është krim i madh që me gra të tilla të abuzoni dhe të thoni të nesërmen që firma është e saj. Ajo nuk di të artikulojë, jo më të hedhë firmë. Prandaj Alketa, bëhu e fortë dhe kërko të drejtat e tua. Së bashku do shkojmë deri në fund për të kërkuar apartamentin tënd dhe të vajzave të tua”, tha Eni Çobani në përfundim të kësaj seance ndërmjetësimi.
/tvklan.al
