Duda, një prej reperëve më të njohur të viteve ‘2000, u rikthye në media për një koment që i la reperit të ri Fero në Instagram.
Dhe ku tjetër, përveçse një postimi në të cilin 21-vjeçari shkruante se është reperi më i mirë në botë, krahas një videoje ku shfaqet duke repuar.
“Lajmërim!”, shkruajti Fero, “Unë jam rap artisti ma i fortë në botë!”
View this post on Instagram
Dhe këtu duket se Duda, nuk e mbajti dot veten.
Reperi i shkollës së vjetër të rapit shqiptar, i komentoi se jo që nuk është reperi më i mirë, por më e shumta, mund të jetë reperi më i rrahur në botë.
“Ti mund të jesh humori më i mirë në hip hop-in shqip ose më i rrahuri, por asnjëherë rap artist… (edhe këtyre të tjerëve u ka ik fytyra pa e bo ende fytyrën mirë)”, ishte komenti i Dudës, i shoqëruar nga disa hashtags (etiketa) për grupin e tij të reperëve, double G.
Nuk mungoi as reagimi nga ana e Feros, i cili për t’iu kundërpërgjigjur Dudës, e thumboi duke e pyetur nëse është gjallë.
“Hala qenke gjallë?”, i shkruajti Fero, shoqëruar me disa ikona të qeshure me lot, “Muzika jote hit e fundit ka qenë në 2006-ën.”
Në mesin e viteve ‘2000, Duda dhe banda e tij Double G ishin ndër artistët më të njohur të skenës së rapit, me hite si “Loja Pam Pam”, “Nano”, ndër shumë të tjera.
Kurse Fero nga ana tjetër, spikati në skenën e repit rreth një vit më parë, veçanërisht për videot në Instagram ku shfaqte një natyrë shumë ekspresive, duke e konsideruar veten “baba” dhe duke përdorur shpesh shprehjen “gang gang”.
Vitin e kaluar në mars, Fero u sulmua nga një grup djemsh, të cilët e zunë mat në parkingun e një qendre tregtare në Prishtinë. Duket se kësaj i referohet Duda kur e quan “reperi më i rrahur”.
