E veshur me nje xhup te zi Gucci, Loredana u fotografua pak orë më parë në aeroportin e Bazelit, bashkë me partnerin e saj Mozzik.
“Kishte vënë syze të mëdha dhe buzëkuq të kuq. Nuk mund t’ia shikoje fytyrën.”, thotë lexuesi i medias zvicerane “20 Minuten”, që i fotografoi çiftin pasditen e sotme.
Por, ku po nisen çifti i këngës “Bonnie and Clyde”?
Dje, Loredana u lëshua nga policia zvicerane për t’u hetuar në gjendje të lirë, duke mos u konsideruar një rrezik se do të arratiset.
Dhe vetëm një ditë pas lajmit, reperja mund të ketë marrë vendimin të niset drejt Kosovës, siç thotë njeriu që i fotografoi. Por ndërsa Mozzik-u tymoste një cigare, sipas përshkrimit të tij Loredana dukej si mbi gjemba.
“Kishte diçka që nuk shkonte. Hezitonte të jepte dorën. Pak minuta më vonë, Mozzik-u përshëndeti dhe tha se i duhej një fluturim për në Kosovë. Arsyeja ishte çështje pune.”
Loredana është nën hetim për akuzën e mashtrimit, pas denoncimit të 52-vjeçares zvicerane sipas së cilës, 23-vjeçarja dhe vëllai i saj Berati, e kanë mashtruar, zhvatur dhe kërcënuar, duke përfituar prej saj 700 mijë franga
