Këngëtarja shqiptare Anjeza Shahini është bërë nënë për herë të parë e një vogëlushjeje prej gati dy muajsh.
Lajmin e ëmbël e dha vetë bukuroshja përmes një postimi në llogarinë e saj në Instagram, prej ku bëri publik edhe emrin e vajzës… Victoria Kelis Connolly.
Së fundmi ajo ka ndarë një foto shumë simpatike të saj dhe vajzës së vogël me rastin e ditëlindjes.
“Ditëlindja më e bukur dhe më kuptimplotë. Ju falenderoj shumë për të gjitha urimet që më keni dërguar”, shkruan Anjeza krah fotos.
Mami Anjeza është treguar e kujdesshme për mos t’i zbuluar fytyrën vajzës, teksa vetë duket në formë shumë të mirë pas lindjes.
Anjeza dhe bashkëshorti i saj anglez Paul Edward Conolly janë martuar në shtator të vitit 2015-të në Toskanë, por aktualisht ata jetojnë në Britani.
Burimi: Instagram
