Dhoma e gjumit duhet të jetë ambienti më i rehatshëm në shtëpinë tuaj. Ai duhet të jetë vendi kur mund të shkoni pa u menduar dy herë për t’u qetësuar, për të larguar mërzinë ose për të shijuar një pushim të këndshëm. Por dhomës tuaj për të qenë e tillë i duhen disa elementë.
1.Një rrugicë e përshtatshme
Asgjë nuk mund të jetë më irrituese dhe që mund t’ju prishë mëngjesin, sesa momenti kur zbrisni nga shtrati në një dysheme të fortë dhe të ftohtë. Atëherë, bëjini vetes një nder dhe shtroni një rrugicë sa më të ngrohtë dhe të lehtë, nga të dyja anët e krevatit, në mënyrë simetrike.
2.Një motiv apo një pikturë
Është gjëja e parë që një fëmijë vë re dhe do të ketë në dhomën e tij, por në një dhomë të rriturish nuk është e thënë që të vendosni Spiderman apo një princeshë, por ama një motiv që të jetë sa më relaksues. Në këtë rast mund të përdorni edhe 4 piktura të vogla në vazhdimësi me njëra tjetrën dhe që japin idenë e harmonisë.
3.Sasi e nevojshme e jastëkëve
Si mund ta përktheni këtë në numër? Kjo varet nga përmasat e shtratit tuaj, por ju mund të vendosni një numër të caktuar jastëkësh, aq sa të krijoni idenë e rehatisë dhe të duket se shtrati po ju fton pranë tij. Ekspertët rekomandojnë nga 1-6 të tillë, por gjithmonë duke pasur parasysh përmasat e shtratit.
4.Një vend për t’u ulur
Por, jo shtrati i fjetjes. Një vend I tillë për t’u ulur do t’ju shërbejë për të lexuar apo edhe për t’u qetësuar pak.
5.Jo teknologjisë në dhomë
Është një dhomë fjetjeje dhe duhet të mbani pranë vetes çfarë ju duhet për këtë dhe jo smartphone apo mjete të tjera teknologjike. Këtu hyn edhe televizori, si dhe mjete që ju mbajnë të lidhur online.
6.Një koleksion të gjërave që doni më shumë
Nuk është e thënë që të keni në dhomë një etazher të tejmbushur me sende, por mjafton një pjesëz e vogël që mund të mbajë disa nga gjërat tuaja më të dashura. Qëllimi është që t’ju bëjnë të ndiheni mirë dhe të lumtur, për këtë arsye ky raft duhet të jetë përballë shtratit tuaj që të jetë gjëja e parë që shihni kur zgjoheni.
7.Komodina
Një komodinë që mban gjithçka që ju duhet pranë vetes natën. Mund të jetë një libër, një lule, një gotë ujë apo një abazhur i vogël. Nuk është e thënë që këto sende të jenë në mënyrë të rregullt me njëra-tjetrën, përkundrazi, sa më të pasinkronizuara të jenë, aq më mirë do të funksionojnë.
8.Një mbulesë e mrekullueshme
Duhet të jetë e tillë, nëse plotëson 2 kushte, të jetë shumë e ngrohtë dhe e butë dhe nga ana tjetër estetike për syrin, pasi është ajo që do t’i japë ngjyrë dhomës. Ekspertët këshillojnë që të zgjidhet mirë materiali dhe përmasat e saj, si dhe ngjyra që duhet të jetë në kombinim me mobiliet e tjera. Një mbulesë e mirë duhet të ketë një jetëgjatësi 10-15 vjet, kurse një e lirë sa gjysma.
9.Fotografi, por jo të familjes
Mund të keni sa fotografi të doni të familjarëve tuaj në të gjithë shtëpinë, por jo në dhomën e gjumit, për të mos krijuar një ambient emocional. Foto elegante dhe relaksuese evokojnë më tepër energji pozitive se sa fotot të familjarëve që ju ngjallin kujtime gjatë kohës që mundoheni të flini, konstatojnë dizenjuesit.
10.Kontrasti
Edhe dhomat më me dritë e të gëzueshme, kanë nevojë për një element të errët , magjik. Dizajni i tillë mund të krijohet me anë të lojës më bojën e murit, llambadarë si dhe me ballin e krevatit.
Burimi: Brightside
