Ditën e djeshme kryeministri Rama ka lajmëruar se të gjithë ata qytetarë që dhunojnë punonjës në detyrë do të dënohen dhe këtë e ka përforcuar edhe Ministrja e Arsimit, Besa Shahini.
Ditën e sotme përmes një statusi në rrjetin e saj social, ministrja Shahini ka folur rreth rastit të “Lundrës” ku një prind ka ushtruar dhunë ndaj dy mësueseve, njëra shtatzënë dhe drejtoreshës.
Tashmë Shahini ka thënë se në mbrojtje të këtyre personave të dhunuar në detyrë, do të vendoset paketa e re me ndryshime në Kodin Penal e cila do të votohet në seancën e radhës plenare.
“Para pak ditësh një prind ka goditur mësuesin e fëmijës së tij. Arsyet nuk janë të rëndësishme sepse nuk ka asnjë arsye që kjo të ndodhë! Për rastet e dhunës si ky apo ato ndaj mjekëve, policëve dhe kujtdo punonjësi tjetër që mundohet t’i shërbejë qytetarëve me punën e tij, kemi nisur paketën e re të ndryshimeve në kodin penal, e cila do të votohet në seancën plenare të radhës.”
Por çfarë ka ndodhur?
Në 25 prill ish-kryeministri Berisha përmes një statusi në rrjetin e tij social ka denoncuar dhunën që Bardhi Xixi kishte ushtruar nga mësueseve dhe drejtoreshës. Hyjrie Gjyla ka deklaruar se është ndier e turpëruar kur është vënë para gjesteve të Bardhi Xixit, ndërkohë që mësuesja shtatzënë ka deklaruar se nuk mban mend shumë gjëra, pasi ka humbur ndjenjat./Marrë nga Gazeta Reforma
