Që kur u martuan në dhjetor të 2018-ës, marrëdhënia mes Liam Hemsworth dhe Miley Cyrus, vetëm sa është bërë më e fortë.
Kështu tregoi vetë aktori në intervistën e tij më të fundit për “GQ”, ku ndër të tjera dha edhe shifrën e pabesueshme të fëmijëve që shpreson të ketë.
“Ne kemi tani një variant më të fortë, më të thellë të marrëdhënies që ke zakonisht para martese.”, tha Liam, “Ajo është e papërmbajtshme. Unë jam i papërmbajtshëm. Bashkë, jemi dhjetëfish të papërmbajtshëm.”
E papërmbajtshme duket edhe familja që Liam ka në plan të krijojë me këngëtaren. Plot…
“10, 15, ndoshta 20 fëmijë.”, u shpreh Liam për “GQ”, “Një ditë, kur të mos kemi kaq shumë qen në shtëpi. Tani është e pamundur ta fusësh një fëmijë në shtëpinë tonë. Por një ditë, ne do ta kuptojmë se ka ardhur momenti i duhur. Tani? Tani jo.”
Çifti që tani duket sikur po përjeton periudhën më të lumtur të marrëdhënies, nuk e ka patur aspak të lehtë.
U njohën plot 10 vite më parë, në sheshxhirimin e filmit “The Last Song” dhe që aty, nisi romanca që u shenjua nga disa ndarje e ribashkime, më vendimtarja prej të cilave qe padyshim ajo e 2013-ës, kur Miley-t iu desh të përgënjeshtronte burimet që thonin se ajo e kishte tradhtuar Liam-in.
Kjo ndarje, së paku na dhuroi një këngë kaq të paharrueshme siç ishte “Wrecking Ball”.
Por, thënë shkurt, këta të dy nuk munden pa njëri- tjetrin dhe pas shumë spekulimeve, ata u rishfaqën më në fund bashkë në tetor të 2017-ës.
Një vit më vonë, në dhjetor të 2018-ës, ata u martuan në një ceremoni intime, mënyra më e mirë për të festuar 10 vite aspak të qeta, por plot emocione të marrëdhënies së tyre.
