Ditën e sotme, ashtu siç ishte paralajmëruar edhe më herët është zhvilluar protestë nga opozita në 12 qarqet e vendit.
Kreu i Partisë Demokratike, Lulzim Basha ka qenë në Elbasan në mbështetje të protestuesve, duke ulëritur bashkë me to herë pas here: “Rama ik!”
“Unë e di se në këtë protestë janë bashkuar hallet dhe problemet e qindra të rinjve, nga Elbasani, nga universiteti i Elbasanit. Të rinjtë largohen se nuk gjejnë shpresë dhe ekonomi, sepse paratë publike përfundojnë tek Edi Rama. Nuk lënë asnjë aset publik pa vjedhur e shpërdoruar. Nëna e të gjithë të këqijave është vjedhja e zgjedhjeve nga Edi Rama”, është shprehur Basha.
Nga ana tjetër, Kryetarja e LSI-së Monika Kryemadhi ka qenë prezente në Durrës, përkatësisht tek vendi i quajtur “rrethrrotullimi i Plepave.”
Ndërkohë në Tiranë protestuesit kanë ndezur tymuese dhe flakadanë, dhe raportohet se krah tyre kanë qëndruar disa ish-deputetë të opozitës. /balkanweb.com
