Një ngjarje e rëndë ka ndodhur ditën e sotme në shkollën e Bujqësisë në Prishtinë, ku tre nxënës janë plagosur me thikë gjatë pushimit të mësimit.
Mediat kosovare raportojnë se një prej tyre është në gjendje të rëndë, ndërkohë lajmin e ka konfirmuar për mediat në fjalë Flora Ahmeti e cila përfaqëson zyrën për mediat në policinë rajonale të Prishtinës: “Tre persona janë të lënduar në një shkollë në Prishtinë. Policia është në shkollë. Një nxënës është në gjendje më të rëndë e dy të tjerë kanë pësuar më pak lëndime. Më vonë do të lëshojmë një komunikatë për media.”
Ndërkohë detaje të reja pritet të publikohen në vijim lidhur me ngjarjen.
