Për ditë me radhë mediat u pushtuan nga alarmi i sigurisë së ulët ushqimore dhe cilësinë që produkteve që konsumojmë.
Sipas një investigimi të “Top Story” rezultoi që djathi përmbante allçi, një shalqi mund të bëhej brenda orësh, pluhuri i tullave përdorej si ngjyrues dhe një sërë abuzimesh të tjera.
Skandali ka shkuar tanimë edhe në veshin e kryeministrit Edi Rama i cili në mbledhjen e grupit parlamentar të PS ka bërë të ditur se do të bëhen një sërë ndryshimesh në kodin penal dhe se ata që do të tregtojnë produkte të skaduara do të dënohen me 10 vite burg.
‘Mashtrimi me sigurinë ushqimore do hyjë në veprat penale. Duhet të plotësohet legjislacioni edhe për krimet ndaj mjedisit. Tregtimi dhe prodhimi i produkteve me kimikate dhe të skaduara do të dënohet me dhjet vjet burg”, mësohet të ketë thënë kryeministri.
Shpresojmë që kjo nismë të rezultojë e suksesshme për t’i thënë mjaft abuzimeve me ushqimin!
Burimi: TIP
