Jude Law i ka dhënë fund beqarisë dhe është martuar me partneren e tij Phillipa Coan, në një ceremoni intime në Londër të martën.
Aktori, 46 vjeç, dhe Phillipa, 32 vjeç, vendosën të shmangnin një listë të gjatë të të ftuarve nga Hollivudi dhe ftuan vetëm miqtë më të ngushtë dhe familjen e tyre në një ceremoni që u mbajt në Bashkinë e Vjetër në Marylebone.
Nusja dukej e bukur e veshur me një fustan krem jo tradicional për një nuse, por duke ekspozuar këmbët e saj elegante. Në dorë mbante një buqetë lulesh të egra.
Ndërsa aktori, babai i pesë fëmijëve, kishte veshur një kostum blu me kapele dhe syze dielli.
Çifti konfirmoi se ishte fejuar në shkurt, pas katër vjet lidhjeje.
Psikologia u fotografua me një unazë të madhe diamanti në gisht duke bërë të na lindin dyshimet për zyrtarizimin e lidhjes.
Në fillim mediat raportuan se Jude dhe Phillipa po planifikojnë një martesë në pranverë në Francë, ku pritet të marrin pjesë miqtë e tyre të Hollivudit.
Ndoshta kjo nuk do të jetë ceremonia e vetme!
