Taylor Swift mahniti audiencën në MGM Grand Las Vegas me një performancë të paparë të këngës së saj më të fundit, “ME!” në Billboard Awards mbrëmjen e së mërkurës.
Por performanca e saj kjo nuk kaloi pa kritika, pasi këngëtarja 29-vjeçare u akuzua se ka kopjuar Beyonce-n.
Taylor shoqërohej nga një bandë që marshonte në skenë, ashtu si Beyonce në koncertet e saj. Kjo bëri që mjaft fansa të kësaj të fundit t’ i vërsuleshin Taylor-it dhe ta akuzonin se nuk u tregua aspak origjinale.
Kërcimtarët e veshur me kostume mbushën skenën bashkë me një grup muzikantësh me daulle të veshur me rozë, për të cilët fansat thanë se bënë një performancë e kopjuar nga dalja e Beyonce-s vitin e kaluar në Coachella Music Festival.
“A mund t’i thoni me mirësjellje Taylor Swift, se nuk mund të jetë kurrë Beyonce? Boll kopjove. Është turpëruese”, thuhej në një reagim në Twitter.
Ne po jua lëmë juve në dorë të gjykoni, nëse Taylor ka kopjuar apo jo. Ndiqni pamjet e mëposhtme!
