Me këngën “Marijuana”, Tayna u kthye në një fenomen për stilin agresiv të rap-it, me të cilin sfidonte edhe reperët burra.
Por, ra në sy edhe me videon, ku disa herë në fokus ishin të pasmet e saj.
Megjithatë, Tayna mendon se të pasmet e saj janë të vogla dhe, ndërsa trendi i të pasurit forma të kolme mbetet akoma në modë, Tayna mendon se edhe vajzat jo shumë të bëshme kanë lezetin e tyre.
“Të pasmet e vogla kanë rëndësi”, shkroi ajo në një postim në Instastory, me modelin e shprehjeve të famshme revolucionare si “Black Lives matter” (jetët e njerëzve me ngjyrë kanë rëndësi).
Nuk është hera e parë që Tayna tenton të shkojë kundër rrymës sa i takon trendeve të bukurisë për vajzat. Në fakt, fjalia e parë që thotë tek kënga “Marijuana” është pikërisht:
“Doken krejt fals sikur Barbie”, duke iu referuar ndërhyrjeve estetike, të cilave më pas iu rikthehet edhe tek kënga “Shqipe”, duke ironizuar silikonin.
