Anisa Mukaj, velinë e sezonit të kaluar të “Fiks Fare”, ka tërhequr vëmendjen kohëve të fundit me largimin e saj drejt Turqisë.
Fotot e saj në Instagram, kanë ngjallur komente në media për jetën në dukje luksoze, ndërsa ka patur edhe aludime se modelen do ta shikojmë si aktore në serialet turke.
E ftuar tek “Ftesë ne 5” me Bieta Sulon, Anisa Muka u shpreh se jeta e saj në Turqi është krëjtësisht normale dhe e pasponsorizuar nga askush, ndryshe nga ç’mund të duket në rrjetet sociale.
Ajo sqaroi gjithashtu se arsyeja e qëndrimit në Turqi nuk është ndonjë serial, porse ka nënshkruar një kontratë me një agjenci modelingu.
“Nuk është asgjë e vërtetë nga këto lajmet që kanë dalë”, tha Anisa, “se do jem në filan telenovelë, se do jem në filan film. Nuk ka patur asnjë ofertë të tillë, ka qenë thjesht një agjenci, vetëm për modeling.”
Anisa vendosi të largohej nga Shqipëria vitin e kaluar, kur siç tha, nënshkroi një kontratë me agjencinë “Major Model Management” çka e çoi fillimisht drejt Milanos.
